Времето денеска ќе биде променливо облачно со сончеви периоди, а по котлините со магла и ниска облачност. Претежно вдолж Повардарието ќе дува слаб ветер од јужен до југоисточен правец.
Како што информираат од УХМР, минималната температура ќе биде во интервал од -3 до 3, а максималната ќе достигне од 8 до 16 Целзиусови степени.
Во Скопје времето ќе биде променливо облачно, со магла и претежно тивко.
Во наредните денови ќе продолжи периодот на стабилно, а особено на повисоките места и на планините и релативно топло време. Висината на снежната покривка позначително ќе се намалува од средината на следната недела. По котлините и понатаму од наутро ќе биде со магла и постудено.
Повремени врнежи од дожд претежно во западните делови ќе има во среда.