Вработените посочуваат оти ЈП „Улици и патишта“ има долг од 240 милиони денари кон добавувачите на материјали, што, како што наведуваат, е причина што тие не се испорачуваат. Додаваат оти претпријатието се соочува со недостиг на основни средства како нафта, ризла, тампон, рабници и слично
Поради неисплатени плати, вработените во Јавното претпријатие „Улици и патишта“ најавија дека ќе штрајкуваат и своето незадоволство ќе го изразат носејќи на целата механизација пред просториите на Град Скопје.
Оттаму реагираат дека претпријатието, исто како и минатиот месец, се соочува со сериозни проблеми за исплата на платите на вработените. Наведуваат неколку причини за ваквата состојба.
Посочуваат оти ЈП „Улици и патишта“ има долг од 240 милиони денари кон добавувачите на материјали, што, како што наведуваат, е причина што тие не се испорачуваат. Додаваат оти претпријатието се соочува со недостиг на основни средства како нафта, ризла, тампон, рабници и слично.
„Неплаќање на долгот од страна на директорот, односно градоначалничката, т.е. селективно плаќање на фирми блиски до секретарот и градоначалничката. Сметката е блокирана во износ од 10 милиони денари и извршни решенија во износ од 40 милиони денари кои ќе стапат во сила наредниов период“,
додаваат вработените од „Улици и патишта“ како причини за нивните неисплатени плати.
Дефектните и со месеци несервисирани градежни машини и возила,пак, според нив, се последица на погореспоменатите состојби во претпријатието.
„За почетокот на штрајкот ќе бидете дополнително информирани”,
велат вработените во „Улици и патишта“.
Порталот „Скопје 1“ пред неколку дена објави дека градоначалничката Данела Арсовска го разрешила директорот на „Улици и Патишта“, Ванчо Умлевски, кој на оваа позиција беше од крајот на јуни годинава.
Од Град Скопје засега нема никаква информација за разрешувањето на Умлевски и причините за истото.