Еврокомесарката за здравство вели дека една третина од луѓето во ЕУ не се вакцинирани и тоа треба брзо да се промени
Во шест земји на ЕУ, помалку од 55 отсто од возрасните се вакцинирани против ковид-19, а тоа претставува закана за другите европски земји, нагласи денеска еврокомесарката за здравство Стела Киријакидис.
Таа истакна дека една третина од луѓето во ЕУ не се вакцинирани и тоа треба брзо да се промени.
„Вакцините се најдобриот, но не и единствениот лек против пандемијата“,
изјави еврокомесарката по состанокот на Советот на ЕУ.
Според неа, дури и ако уделот на имунизирани лица остане низок само во една земја, тоа може лошо да се одрази на општата здравствена состојба. Киријакидис појасни дека за земјите со ниска вакцинација не може да се примени истото решение за да се убедат луѓето да се имунизираат.
„Дури и ако се вакцинираат, луѓето ќе продолжат да се инфицираат и да одат во болница, така што работиме на обезбедување лекови“,
додаде Киријакидис, нагласувајќи дека ЕУ ќе одобри уште четири третмани за новата болест до крајот на годината, вклучувајќи ги и апчињата „Мер’к.
Таа истакна дека е тешко да се убедат луѓето да држат безбедно растојание и лична хигиена за да не се разболат.
„Ова е заеднички напор и одговорност на граѓаните, потребна е итна и координирана акција додека науката не одлучи за сојот омикрон“,
објасни Киријакидис.
After nearly two years tackling #COVID19, our 🇪🇺 response continues👇
— Stella Kyriakides (@SKyriakidesEU) December 7, 2021
▶️vaccinate & boost as many citizens as possible.
▶️wearing masks & keeping distances.
▶️coordination on procuring therapeutics & borders.
Our approach depends on us working always as #TeamEurope.#EPSCO pic.twitter.com/SJ9zmDJL3s