Во манастирот Прохор Пчински е поставено спомен обележје за АСНОМ

Двојазично, на македонски и на српски јазик, пишува „На 2 август 1944 година на ова место е одржано Првото заседание на Антифашистичкото собрание на Народното ослободување на Македонија, каде народните избраници донесоа историски одлуки со кои се воспостави државност и самобитност на македонскиот народ изразувајќи ја својата определба да живеат заедно со народите на Југославија“

Дописникот на МИА од Белград јавува дека во параклисот на манастирот Прохор Пчински во Република Србија, денеска е поставена спомен плоча за одржувањето на првото заседание на АСНОМ на 2 август 1944 година, токму во ова место.

Се слави Илинден – 119 години од Крушевската Република и 78 години од Првото заседание на АСНОМ

На ова место денеска државнo-црковна делегација предводена од претседателот Стево Пендаровски, министерката за одбрана, Славјанка Петровска, пратениците во Собранието на Република Северна Македонија, Мирослав Јовановиќ и Лидија Тасевска, Кумановско-осоговскиот митрополит г. Григориј и Епископот Стобиски г. Јаков, како претставници на Македонската Православна Црква – Охридска Архиепископија, како и претставници од Сојузот на борците на НОБ ќе постават венци.

МИА: Утре во „Св. Прохор Пчински“ ќе има и заедничка литургија на МПЦ-ОА и СПЦ

Од српска страна, на чествувањето ќе присуствуваат министерот за надворешни работи на Република Србија, Никола Селаковиќ и Епископот врањски г. Пахомије, како претставник на Српската Православна Црква.