Подготовките за производство на новиот модел на автомобил ќе траат до крајот на 2023 година, а производството во Крагуевац ќе започне во третиот квартал на 2024 година
Новиот компактен автомобил, кој допрва треба да биде именуван, ќе се произведува во фабриката во Крагуевац, како наследник на „фиат 500 Л“
Српскиот претседател Александар Вучиќ денеска објави дека во фабриката за производство на автомобили „Фиат“ во Крагуевац ќе се произведува електричен автомобил од типот „фиат панда“.
Како што објасни, новата инвестиција во фабриката за автомобили во Крагуевац ќе биде вредна 190 милиони евра, од кои 48 милиони евра ќе бидат издвоени од републичкиот буџет.
Тој рече дека подготовките за производство на новиот модел на автомобил ќе траат до крајот на 2023 година, а производството во Крагуевац ќе започне во третиот квартал на 2024 година.
„Фиат“, односно групацијата „Стелантис“, веќе некое време најавува електричната верзија на малиот градски модел „фиат панда“. Веќе има голем број концептуални решенија и демонстрации за тоа како би можел да изгледа новиот модел на моќност.
Новиот компактен автомобил, кој допрва треба да биде именуван, ќе се произведува во фабриката во Крагуевац, како наследник на „фиат 500 Л“.
La Fiat Centoventi Concept ha ganado el premio Red Dot Award 2019 a lo mejor del diseño industrial a nivel mundial en la categoría conceptual.
— Fiatisti (@fiatistifan) September 26, 2019
–#reddotaward #design #concept #award #industrialdesign #Fiat #Centoventi #Panda #future #electric #zeroemissions #Fiatisti pic.twitter.com/xHZnxvysfK
Се очекува новата „панда“ да се базира на концептот „чентовенти“ од 2019 година. Технолошки би требало да биде сличен на електричните модели од групацијата „Стелантис“ – „пежо 208“ и „опел корса“.
По димензии би бил сличен на сегашната „панда“, односно компактен градски модел. Дизајнот на новиот мал автомобил, кој ќе дебитира следната година, веќе е одобрен.
Almost no one in Poland believe that Fiat 126p will back as electric car. Fiat Panda is not similar to “maluch” now, but if electric version will look like Fiat Centoventi it will be real comeback of Fiat 126p as an EV. https://t.co/6JollDtQK1 #Fiat #Panda #EV #electric pic.twitter.com/XQpCxMBjPN
— Przemyslaw Stroinski (@stroinskip) January 18, 2022
Новиот модел би можел да „позајми“ многу од електричниот „фиат 500“, како што се батериите и електричниот погон. Што се однесува до „панда“, според најавите од италијанската компанија, доаѓа нова генерација која ќе биде едноставна.
Новиот модел ќе биде интересен и поради тоа што сопствениците ќе можат да променат многу работи во него и да го приспособат на себеси, а наместо класичниот инфозабавен екран ќе можат да го користат својот смартфон или таблет. Сличен концепт понуди и „Дачиа“ за новото „сандеро“.