Во ковид-центрите во внатрешноста на земјата се лекуваат 738 пациенти

Заедно со хиспитализираните во инфективните оддели во Скопје, од ковид-19 моментно биолнички се лекуваат 1 217 пациенти

Во ковид-центрите на болниците низ земјава во изминатите 24 часа  е пријавено дека се лекуваат  738 пациенти позитивни и суспектни на коронавирусот. Заедно со пациентите кои се хоспитализирани во Скопје вкупниот број е 1 217.

Триесетина пациенти се хоспитализирани во скопските ковид-центри во изминатото деноноќие

Министерството за здравство соопшти дека има околу 240 празни болнички кревети во ковид-центрите, со напомена дека состојбата е променлива затоа што во текот на денот има нови приеми, но се прават и исписи на оздравени пациенти и се ослободуваат дополнителни легла.

Според извештаите на болниците кои пристигнуваат во Министерството за здравство на дневна основа, во болницата во Битола има 61 пациент, во Штип се хоспитализирани 57, на  инфективното одделение во Тетово 43 пациенти, во Велес се лекуваат 40 болни, а во Куманово 88 пациенти позитивни и суспектни  на ковид-19.

Во ковид-центарот во Охрид хоспитализирани се 80 пациенти, во Прилеп 87, во Гостивар 54, а во Струга има 40 болни. Во болницата во Струмица хоспитализирани се 75 пациенти, во Кочани 24, Кичево 19, Кавадарци 52,  Гевгелија 13 лица, а во Дебар пет позитивни  и суспектни на коронавирусот.

„Сите одделенија на клиничките болници располагаат со болнички места до кои има довод на кислород. Министерството за здравство е во постојан контакт со сите болници и доколку има потреба, капацитетите на ковид одделенијата ќе бидат дополнително проширени“,

соопшти ресорното министерство.