Над 3 000 пиротехнички средства полицијата заплени во дом на едно лице од Вевчани, и од едно лице на пазар во Свети Николе.
При претрес на домот на 68-годишниот М.К.од Вевчани вчера пронајдени се 2 200 парчиња пиротехнички средства, кои се одземени, а М.К е приведен и против него ќе биде поднесена соодветна кривична пријава, соопшти МВР.
Утрово, во 10 часот на градскиот пазар во Свети Николе извршена е контрола кај Р.И. (68) од Куманово, при што пронајдени и одземени се 900 парчиња пиротехника. Против него ќе биде поднесен соодветен поднесок.