Вкупната бројка на пациенти позитивни и сомнителни на коронавирусот, кои се лекуваат на инфективните одделенија во болниците во државава, во моментов изнесува 1 285, а бројот на слободни болнички кревети е околу 120.
Сепак, нагласуваат од Министерството за здравство, бројките се менуваат од час во час со оглед дека се вршат приемни на нови и исписи на излекувани пациенти.
„И покрај големиот наплив на пациенти во изминативе десетина дена, Министерството за здравство е во постојан контакт со сите болници и доколку има потреба капацитетите на ковид-одделенијата ќе бидат дополнително проширени“,
велат оттаму.
Од моментално хоспитализираните, повеќе од две третини или 826, се хоспитализирани во болниците во внатрешноста.
По градови, состојбата во внатрешноста е следна: во Битола се хоспитализирани 74 пациенти, Штип 56, Тетово 43, Велес 70, Куманово 106, Охрид 105, Прилеп 116, Гостивар 47, Струга 31, Струмица 91, Кочани 21, Кичево 18, Кавадарци 39 и Гевгелија 9 пациенти.