Емисијата „360 степени“, во која откриваме нови детали од случајот со набавката на софтверот што никој не го користи, се емитува вечерва (15 март 2021 г.) од 22:00 часот на ТВ Алсат
Во „360 степени“ вечерва донесуваме:
– Рашковски го платил софтверот за сообраќајни казни без претходно да го тестира; МВР уште еднаш потврди – ниту биле консултирани при купувањето ниту планираат да го користат;
– Антикризната помош од Владата за младите не стигна секаде каде што треба: забелешки и дека не била соодветно дизајнирана;
– Може ли образовниот систем да се приспособи на потребите за стручен кадар на бизнис-секторот: МОН во олеснувачка улога меѓу општините и училиштата, од една, и компаниите, од друга страна, во пресрет на конкурсот за следната учебна година;
– Македонија – посакувана дестинација за дигитални номади: желба или реалност;
– „Саботажа“.
„360 степени“ почнува во 22:00 часот на ТВ Алсат.