Екипата на „360 степени“ во Тетово сними како полицајци, не само не ги казнуваат оние кои во 23 часот пазаруваат, туку и самите го прават тоа, иако на сила е забраната за движење
Секторот за внатрешни работи Тетово ќе покрене дисциплинска постапка против полициските службеници кои во сторијата на „360 степени“ за тоа како што се случува на улиците за време на полицискиот час, беа снимени како заедно со други граѓани пазаруваат во Тетово во 23 часот, велат од МВР за Алсат М.
Ова е само еден аспект од вчерашната сторија на „360 степени“, во која уште се гледа дека полицајците воопшто не санкционираат доколку некој ја крши забраната за движење. Во Тетово, нашата екипа забележа дека полицискиот час како воопшто и да не постои, па деца во групи си играат по маалските улички до доцна во ноќта, а дуќаните работат.
Во Скопје, патролите, кои се многу поретки, или прогледуваат низ прсти доколку запрат некој кој нема дозвола за движење или контролата е само формалност. Нема ниту казни ниту предупредувања доколку не се носи заштитна маска, иако оваа мерка е задолжителна и доколку не се применува се казнува со 20 евра.
Целата сторија на „360 степени“ може да ја погледнете ТУКА.