Откако лидерот на СДСМ Зоран Заев на денешната прес-конференција повторно порача дека избори треба да има пред почетокот на летото и изрази надеж дека ќе учествува и опозицијата, со реакција излегоа од ВМРО-ДПМНЕ.
Во своето соопштение, опозицијата уште еднаш обвини дека власта вештачки прикажува дека епидемијата со ковид-19 е под контрола, само за што поскоро да се оди на избори.
„Зоран Заев продолжува да ја става својата тажна политичка кариера пред здравјето на граѓаните. Заев и натаму се залага за брзи корона избори на кои наместо да броиме гласови ќе ги броиме новозаразените и починати од корона вирус. Починатите не се само бројка, тие се наши сограѓани со име и презиме. Не може да бидат решение избори на кои здравјето и животот на граѓаните ќе биде доведено во опасност. Граѓаните се свесни кои го загрозува нивното здравје, граѓаните се свесни дека власта уште првиот момент на пандемијата со корона вирусот води политика наместо конкретни мерки за заштита на здравјето на граѓаните. Следува казната за ваквото несовесно однесување на Заев и СДСМ“,
се вели во соопштението на СДСМ.