Од зелена политика Заев наметнува само зелени такси на горивата и зелен данок кој ќе ги исцедува и онака осиромашените граѓани, а парите ќе завршуваат во џебовите на функционерите од власта, велат од опозицијата како реакција на говорот на Заев на Социо-економскиот форум
Штом на Заев му згусти веднаш дефокусира со бајки за зелена енергија и животна средина. Зоран Заев е 5 години власт во Македонија и нема мрднато со мал прст на оваа тема, реагираат од ВМРО-ДПМНЕ на обраќањето на премиерот Зоран Заев на Социо-економскиот форум што се одржува во Скопје посветен на еконолгија и зелена агенда.
„До кога Зоран Заев ќе се однесува како вчера да дошол на власт? Народот памети дека кога доаѓаше на власт ветуваше чист воздух и здрава животна средина. Ништо не направи. Ветуваше целосна гасификација на Македонија, ништо не направи Ветуваше 30% поевтина струја за домаќинствата, реалноста е дека сега граѓаните плаќаат најмалку 20% поскапа струја откако Заев е на власт. Од зелена политика Заев наметнува само зелени такси на горивата и зелен данок кој ќе ги исцедува и онака осиромашените граѓани, а парите ќе завршуваат во џебовите на функционерите од власта“,
велат од опозицијата во писмената реакција.
Според ВМРО-ДПМНЕ, новите верувања на Заев се истите „кули и градови“ кои ги ветуваше и досега кои никогаш не се остварија.