Откако работната група ја подготви предлог-иницијативата за уставни измени, таа на почетокот на месецов беше испратена до Владата и, како што беше најавено тогаш, ќе биде разгледана на некоја од наредните владини седници. Очекувањата тогаш беа дека уставните измени би можеле да влезат во Собранието во средината на месецов, кога и формално ќе почнат да течат роковите за уставни измени
Предлог-иницијативата за уставните измени, со која Бугарите и други народи треба да се внесат во Преамбулата на Уставот, најверојатно, ќе биде усвоена на утрешната редовна седница на Владата.
Ова денеска го изјави министерот за правда Кренар Лога одговарајќи на новинарски прашања по отворањето на канцеларијата за бесплатна правна помош во Општина Шуто Оризари.
Откако работната група ја подготви предлог-иницијативата за уставни измени, таа на почетокот на месецов беше испратена до Владата и, како што беше најавено тогаш, ќе биде разгледана на некоја од наредните владини седници. Очекувањата тогаш беа дека уставните измени би можеле да влезат во Собранието во средината на месецов кога и формално ќе почнат да течат роковите за уставни измени.
Откако Владата ќе ја усвои, иницијативата за промена на Уставот потоа ќе биде доставена во парламентот.
Вицепремиерот за европски прашања Бојан Маричиќ неодамна изрази очекување дека иницијативата за промена на Уставот во наредните неколку недели ќе се најде пред пратениците во Собранието и да почнат собраниската процедура и дискусија бидејќи, како што оцени, важно е секој пратеник да има можност да се изјасни за нив.
Доколку во Собранието не се обезбеди двотретинско мнозинство за усвојување на измените, според Маричиќ, самите себеси ќе си поставиме блокада и ќе се запреме на европскиот пат.