Новата влада, која беше изгласана во неделата, денеска напладне ќе ја одржи првата конститутивна седница, соопштија од владината прес-служба.
„На првата конститутивна седница се очекува да бидат разгледани предлозите за определување заменици на претседателот на Владата на Република Северна Македонија, предлозите за именување на претседатели и членови на основните комисии на Владата, како и предлозите за именување на претседатели и членови на посебните комисии“,
соопштија од Владата.
По завршувањето на седницата, се очекува и официјално соопштение со одлуките.
Како што е веќе познато, се очекува прв вицепремиер да биде Артан Груби, кој го предводи и Министерството за политички систем, а како вицепремиери во новата влада треба да бидат и Љупчо Николовски за борба против корупцијата, Фатмир Битиќи за економија и Никола Димитров за европски прашања.