До крајот на годината Владата ја укина и увозната стапка за царина на сончогледово масло, мерка која веќе постоеше до 31 мај, но дури сега беше одлучено повторно да се донесе
Владата на седница и официјално го забрани извозот на пченица и брашно, како и на дрво и пелети. Со цело подобро справување на економската и енергетската криза укината е и царинската стапка за увоз на сончогледово масло за јадење.
Како што соопшти владината, прес-служба, одлуките се донесени со цел заштита на домашното производство и одржување на снабдувањето на домашниот пазар, како и за да се избегне раст на цените.
„За да се спречат сериозни пореметувања на пазарот во земјата кои може да се настапат со увоз на пченица и брашно од земјата, Владата донесе одлука до крајот на година да се ограничи извозот на пченица и наполица и брашно од пченица и наполица“,
соопшти Владата.
Во заклучоците донесени 63. владина седница се вели поради случувањата во Украина и пореметувањата на светскиот пазар на пченица потребно е да се превенираат евентуалните дополнителни нарушувања на пазарот кај овие основни прехранбени производи кои се неопходни за исхрана на населението.
До крајот на годината Владата ја укина и увозната стапка за царина на сончогледово масло, мерка која веќе постоеше до 31 мај, но дури сега Владата се одлучи повторно да ја донесе.
„Редовната царинска стапка на маслото од сончоглед за јадење е максимум 29%, така да со оваа мерка се дава можност на увоз од други земји за кои нема преференцијален третман во трговијата или се предмет на мала бесцаринска квота во рамки на договорите за слободна трговија“,
се вели во дописот од владината прес-служба.
Ограничувањето на извоз на огревно дрво и на пелети, пак, се носи поради недостатокот на енергенси во Европа и енергетската криза на светскиот пазар.