Владата бара информации од Министерството за здравство за случајот „Жан Митрев“

Министерството за здравство е задолжено да подготви и во рок од два дена до Владата да достави информација во врска со овој случај

Владата на Република Северна Македонија, на денешната  61-ва седница, одржана онлајн, го задолжи Министерството за здравство да ги разгледа детално информациите поврзани со објавената сторија на „Истражувачка репортерска лабораторија“, емитувана на програмата на Националната радио телевизија на 17 јули 2022 година, а во врска со Клиничката болница „Жан Митрев“, Скопје.

Заради големиот број реакции во јавноста, Министерството за здравство е задолжено да подготви и во рок од два дена до Владата да достави информација во врска со овој случај.

Обвинителството оформи предмет по сторијата на ИРЛ дека скапото лекување од ковид-19 во клиниката „Жан Митрев“ било непријавена клиничка студија