Од Владата додаваат дека и натаму ќе продолжат посветено да работат на сочувување на транспарентноста и редовно и навремено да ги објавуваат информациите од јавен карактер, што е и еден од, како што велат, нивни врвни приоритети
Според Индексот на активна транспарентност на Центарот на граѓански комуникации (ЦГК) објавен денеска, просечната активна транспарентност на министерствата, на Владата и на општините за 2022 година изнесува 73 отсто (од максимално можни 100 отсто) и таа, во однос на лани, е подобрена за 10 процентни поени. Две институции – Министерството за одбрана и Владата имаат по максимални 100 отсто односно ги објавуваат сите предвидени информации од активната транспарентност
Од 25 отсто транспарентност во 2016 година, Владата денес има целосна, односно стопроцентна транспарентност заедно со Министерството за одбрана, кое пак од 45-то место со 47,6 отсто на почетокот на мерењата, последните две години достигна прво место со максимален процент.
Ова преку писмено соопштение го соопштија од Владата, откако претходно денеска беше објавено годишно рангирање на институциите според Индексот на активна транспарентност на Центарот за граѓански комуникации (ЦГК), кое се прави според проактивното објавување информации од јавен карактер, а во кое се вклучени 98 институции, односно Владата и сите министерства и општини.
Индексот за активна транспарентност, потсетуваат од Владата, ги рангира сите институции во државата на локално и на централно ниво од 2016 година.
„Според годишното рангирање, просечната активна транспарентност на министерствата, на Владата и на општините за 2022 година изнесува 73 проценти и во однос на минатата година, кога изнесувала 63 отсто, е подобрена за десет процентни поени. Својата активна транспарентност годинава ја подобриле дури 81 отсто од институциите. Активната транспарентност на министерствата и на Владата изнесува 85 проценти, а на општините 70 проценти. За разлика од лани, министерствата се подобриле за шест процентни поени, а општините за десет“,
посочуваат од Владата во соопштението.
Од Владата додаваат дека и натаму ќе продолжат посветено да работат на сочувување на транспарентноста и редовно и навремено да ги објавуваат информациите од јавен карактер, што е и еден од, како што велат, нивни врвни приоритети.
„Активната транспарентност е најдобра превенција од корупција“,
заклучуваат оттаму.
Според Индексот на активна транспарентност на Центарот на граѓански комуникации, просечната активна транспарентност на министерствата, на Владата и на општините за 2022 година изнесува 73 отсто (од максимално можни 100 отсто) и таа, во однос на лани, е подобрена за 10 процентни поени. Две институции – Министерството за одбрана и Владата имаат по максимални 100 отсто односно ги објавуваат сите предвидени информации од активната транспарентност.