Владината Служба за општи и заеднички работи согласно донесените препораки за заштита на јавното здравје и спречување на ширењето на коронавирусот, денеска бесплатно подели средства за дезинфекција на раце во повеќе министерства, владини институции, како и во дел од органите во состав на министерствата.
„Средствата за дезинфекција на раце се наменети за сите вработени во институциите како и за граѓаните што ги користат нивните услуги, зашто здравјето на граѓаните е пред сè. Во текот на викендот, ќе се спроведе дезинфекција во просториите на сите министерства, како и во органите на управата“,
соопштуваат од Владата.
Дезинфекција ќе се изврши и во резиденцијалните објекти на претседателот на државата и на претседателот на Владата, на клубовите на органите на државната управа (угостителски објекти), магацинските простории на општите служби, како и на возниот парк на владината Служба за општи и заеднички работи.
Владата најавува дека снабдувањето на институциите со средства за дезинфекција на раце ќе продолжи во повеќе наврати, особено во оние институции каде што има најголема фреквенција на граѓани.