Пингвините веќе се пораснати и големи се колку нивните родители. Веќе научија да пливаат и секојдневно се во базенот и надворешниот дел од живеалиштето, информираат од скопската Зоолошка градина
Во скопската Зоолошка градина по првпат се родија пингвини. Четирите бебиња пингвинчиња, како што информираа од Зоолошката градина, се родиле во јануари од два пара родители.
„Првпат имаме бебиња пингвини и тоа вкупно четири. Бебињата дојдоа на свет на 6.1, 7.1, 8.1 и 10.1 2023 година од два пара родители. Целиот период грижливо ги негуваа, а голем дел од денот со нив проаѓаа и татковците. Состојбата на малите пингвинчиња од видот хамболдт од ден на ден беше следена подеднакво и од нашите зоонегуватели Маја и Војо, како и стручни лица“,
велат од скопската Зоолошка.
Пингвините веќе се пораснати и големи се колку нивните родители. Веќе научија да пливаат и секојдневно се во базенот и надворешниот дел од живеалиштето, додаваат оттаму.