fbpx
Свет

(ВИДЕО) Во Мадрид е уапсен маж од листата на 10 најбарани бегалци на ФБИ

360степени | 27 декември, 2022 08:02

Осомничениот маж објавувал огласи на интернет во САД и Канада, нудејќи работа „модел“, но всушност се работело за снимање порнографски содржини. Тој им плаќал на други жени да делуваат како „мамка“ и да ги убедат жртвите дека снимениот материјал нема да биде објавен на интернет, пишува Гардијан

Шпанската полиција уапси еден од 10-те најбарани бегалци на ФБИ, кој со лажен идентитет престојувал во хотел во Мадрид. Мајкл Џејмс Прат, државјанин на Нов Зеланд, беше осуден на доживотен затвор во САД за сексуална експлоатација и сексуален напад и за правење фотографии за сексуална злоупотреба на деца.

Полицијата тврди дека Прат бил вклучен во аудиовизуелно производство на снимки, регрутирање малолетни девојчиња и млади жени преку измама помеѓу 2012 и 2019 година. Тие сметаат дека од овие активности заработил повеќе од 17 милиони долари. Шпанските власти истакнаа дека само 57 криминалци на листата на најбарани на ФБИ биле уапсени надвор од јурисдикцијата на бирото, додавајќи дека ова е првпат да се случи во Шпанија.

Осомничениот маж објавувал огласи на интернет во САД и Канада, нудејќи работа „модел“, но всушност се работело за снимање порнографски содржини. Тој им плаќал на други жени да делуваат како „мамка“ и да ги убедат жртвите дека снимениот материјал нема да биде објавен на интернет, пишува Гардијан.

Жртвите понекогаш биле држени против нивна волја и присилувани на сексуални дејствија за кои тие претходно одбивале согласност. Прат беше во бегство од ноември 2019 година, кога беше издадена федерална потерница по него во Окружниот суд во Калифорнија. Во септември ФБИ го стави на листата на најбарани бегалци и понуди награда до 100 000 долари за информација што ќе доведе до негово апсење, пишува Си-би-ес.

©2024 360 степени, Сите права се задржани