Новото издание на емисијата „360 степени”, во кое гостува поранешниот министер за финансии Фатмир Бесими, кој доаѓа од редовите на ДУИ, се емитува вечерва (18 ноември 2024 г.) од 20:30 часот на МРТ 1
Од ексминистерот за финансии Фатмир Бесими, во интервју за емисијата „360 степени“ на МРТ 1, што е негов прв јавен настап по изборите на 8 мај по кои неговата ДУИ замина во опозиција, бараме одговори за критиките од новата влада дека затекнала „држава во хаос и долгови, буџет кој е список на желби наместо креиран развој, економија во клиничка смрт“. Едно од прашањата до Бесими е дали премиерот Христијан Мицкоски е во право кога бара општествена одговорност од банките со очекување да преземат дел од трошокот при пласирањето и администрирањето на кредитите за фирмите од унгарскиот заем. Тема се и поддршката на инфраструктурни проекти за општините и линеарното зголемување на пензиите. Разговараме и колку се реални најавите од власта дека во целост ќе ги реализира предвидените капитални расходи од 820 милиони евра за следната година и зошто македонската економија не успева да расте со темпото со кое растат други економии во регионот. Неизбежно ја допираме и темата за сегашното и идното политичко дејствување на ДУИ.
Емисијата се емитува од 20:30 часот на МРТ 1.