Американскиот претседател Доналд Трамп повторно предизвика реакции во јавноста откако, по новинарско прашање за ковид-19, си замина од прес-конференција.
Допосничката за Си-би-ес њуз, која е родена во Кина па имигрирала во САД, го праша Трамп: „Зошто на борбата со пандемијата се гледа како на меѓународен натпревар, кога досега повеќе од 80 000 американци починале од вирусот?“
„Можеби тоа е прашање што треба да ѝ го поставите на Кина“,
ѝ одговори Трамп на новинарката и се обиде да продолжи понатаму со новинарските прашања.
Но, таа му реплицираше со прашањето: „Зошто ова ми го кажувате токму мене?“
На ова Трамп порача дека не посочил на никој директно, туку дека така одговара на секој што поставува „одвратно прашање“.
Набрзо Трамп повика друга новинарка да постапи до микрофонот, но се премисли, па за кратко ја прекина прес-конференцијата.
Неговото однесување предизвика критики, а видеоснимката ја сподели и Берни Сандерс, кој на Твитер порача дека Трамп е кукавица кој сака да им прави на луѓето да се чувствуваат лошо за тој да се осеќа моќен.
Pretty pathetic. Mr. Trump is a coward who tears down others to make himself feel powerful. https://t.co/A4HvLyTdpn
— Bernie Sanders (@SenSanders) May 11, 2020
Инаку, Трамп редовно ја напаѓа Кина на прашања за ковид-19. Тој, меѓу другото, тврди дека коронавирусот е направен во кинеска лабораторија и најави дека САД ќе бараат отштета за последиците од пандемијата.
Неговите обвинувања, според Кина, се предизборна кампања.