Универзитетот „Св. Кирил и Методиј“ од Велико Трново е првиот странски универзитет кој ќе ми своја филијала во Македонија, се пофали на ректорот на оваа високошколска установа од Бугарија, Христо Бонџолов.
Информацијата, вели тој, лично му ја соопштил македонскиот премиер Зоран Заев, непосредно пред почетокот на манифестацијата со која вчера Универзитетот го прославуваше својот патронен празник.
„Пред да го започнеме ова чествување, зборував со премиерот на Република Северна Македонија, Зоран Заев, кој ми се јави од Брисел. Ме замоли да Ви го честитам празникот и ме увери дека следната недела, на седница на македонската влада, ќе биде донесено решението за отворање филијала на великотрновскиот универзитет на територијата на Северна Македонија. Тоа е првата филијала на странски универзитет на територијата на Северна Македонија. Тоа е првиот, мал чекор на нашиот универзитет, но во вистинската насока. Мислам дека тоа што ние го направивме ќе го следат и другите, за сите заедно да се обидеме и во Македонија и во Бугарија повторно да ги изградиме мостовите што беа урнати. Ние сме интелигентни и образувани луѓе и треба да го направиме тоа, треба да умееме да живееме заедно“,
рече во поздравниот говор ректорот, проф. д-р Христо Бонџолов
Во изјава за бугарските медиуми, Бонџолов нагласи дека и тој и премиерот Заев го споделиле своето задоволство од можноста со овој чин да биде направен нов пробив за затоплување на односите меѓу двете земји. Процедурата била отпочната пред три години, кога со измените на регулативата е овозможено странски универзитет да отвори своја филијала во Македонија.
Според најавите, од следната академска година на овој универзитет ќе се школуваат над 100 магистри и околу 50 докторанди.