Снежната маса ги влечела скијачите неколку стотини метри од местото каде што скијале, на надморска височина од 2 800 метри
Тројца скијачи вчера загинаа во лавина во северниот дел на италијанскиот регион Пиемонт, пренесува Еуроњуз.
Лавината погоди група од петмина скијачи, од кои двајца преживеаја. Со хеликоптер итно се пренесени во болница.
Според спасувачките извештаи, сите скијачи биле и искусни планинари.
Лавината започнала околу пладне на источната страна на Пунта Валгранде, врв на границата меѓу Италија и Швајцарија.
Снежната маса ги влечела скијачите неколку стотини метри од местото каде што скијале, на надморска височина од 2 800 метри.
In Piemonte una valanga travolge un gruppo di scialpinisti italiani. I corpi delle tre vittime trascinati nella neve per centinaia di metri. La valanga si è staccata da Punta Valgrande, a Trasquera, a 2800 metri pic.twitter.com/d7iE1qnoYl
— Tg3 (@Tg3web) January 12, 2025
Според извештаите, групата се искачила на ридот пеш, а потоа се спуштила на скии.
Инаку, во областа над 2 100 метри било издадено предупредување за голема опасност од лавина.
На местото на несреќата пристигнале хеликоптери, заедно со техничари од Алпскиот спасувачки тим и полицијата.
Повредените скијачи не се здобиле со сериозни повреди.