Според Стефан Андоновски, тоа што процесите ги диктирале „еден хирург во МНР и еден првник во СЕП“ ја навредува интелегенцијата
Гордана Силјановска оцени дека односот на Бугарија, како членка на ЕУ, кон Македонија, како кандидат, е како однос на судија кон обвинет
Европската Унија сама себеси се перцепира како единство на различности. Одеднаш, сега, се покажува дека членки на ЕУ промовираат еден чуден ЕУ-однос – „ние и вие, оцени професорката и пратеничка Гордана Силјановска Давкова, на трибина на ВМРО-ДПМНЕ насловена „Заштита на националните и државни интереси, наместо пазар дипломатија“..
Цитирајќи професор од Харвард, таа рече дека Европска Унија е потесен ентитет од Европа и дека дел од членките треба да го сменат односот кон кандидатите за членство, кој на моменти наликува на, како што рече, однос на судија и обвинет или се одвива според начелото „молчи и слушај“. Во тој контекст го посочи односот на Бугарија кон Македонија, со, како што оцени, наметнување разно-разни барања и услови, како што е и барањето за промена на Уставот за впишување на бугарско малцинство, а од нејзина страна не прави никакви отстапки од зацртаните позиции.
Во однос на можна промена на Уставот, Силјановска истакана дека е неизбежно тој повторнода се менува, најмногу поради ЕУ – интеграциите, но, како што рече, тоа не треба да биде под притисок од надвор.
„Мој белгиски колега вели дека уставот треба да се менува со рака што трепери од одговорност. Ние, пак, го менуваме уставот со рака што трепери од страв, досега неколку пати. И замислете, за триесетина години имаме 36 амандмани, споредено со САД, кои за повеќе од 200 години имаат 27 амандмани. Проблемот не е дали да се менува Уставот. Јас одговорно тврдам дека тоа ќе го направиме. Србија тоа сега го прави со референдум, во функција на ЕУ – интеграцијата. Меѓутоа тоа не треба да се прави со барање од надвор, туку од внатре. Еден паметен претседател на Собрание одамна би ја проширил Уставната комисија со експерти, за да видиме во овие 30 годии кои проблеми ги манифестираше уставната норма во праксата како систем“
рече Силјановска.
Освен неа, на трибината говореше само уште Стефан Андоновски од раководството на ВМРО-ДПМНЕ, додека партиските портпароли Марија Митева и Наум Стоилковски беа модератори.
Андоновски оцени дека македонските власти ги манипулираат граѓаните и тоа, според него, по четири основи:
- Според Андоновски, бугарскиот премиер Кирил Петков го диктира процесот на преговарање, додека македонските власт се однесуваат како неми набљудувачи и независни аналитичари, укажувајќи дека има чувство на инфериорност кај власта.
- Вториот аспект, како што вели Андоновски, е нешто што ја навредува интелигенцијата затоа што процесите еден правник ги диктираат (Бојан Маричиќ) и еден хирург (Бујар Османи). „И сега од хирургот во МНР може и да очекувате неумесни изјави, кои немаат допирна точка со правната реалност, но од правникот кој што беше во Министерството за правда, а сега во СЕП би очекувале некое пологично правно резонирање“, рече Андоновски.
- Во однос на суштинските аспекти, Андоновски вели дека сега има нешто повеќе од Португалскиот предлог, кој беше прифатлив од македонската страна, но отфрлен од Бугарија, односно, како што рече то.ј истиот е ставен во фиока, а се дискутира за промени кои што значат промени во идентитетските обележја.
- Она што мене повеќе ме навредува, вели Петков, не е бугарскиот став дека нема да ги почитуваат пресудите на судот во Стразбур, туку македонскиот став дека ние немаме право да ги заштитиме токму тие права кои се гарантирани од Советот на Европа, од Судот за човеков права.