Спасувачите го извлекле Аднан Мухамед Коркут од подрумот каде што бил заробен од понеделникот
Тинејџер рано изутринава неповреден бил извлечен од урнатините на една зграда во турскиот град Газиантеп, четири дена по катастрофалниот земјотрес.
Спасувачите го извлекле Аднан Мухамед Коркут од подрумот каде што бил заробен од понеделникот. Седумнаесетгодишникот се насмевнал на толпата пријатели и роднини кои го скандирале неговото име, ракоплескале и плачеле додека спасувачите го носеле и го ставале на носилки.
„Фала му на Бога што стигнавте. Ви благодарам на сите“,
рекол тој, гушкајќи ја мајка си и другите кои се наведнале да го бакнат и прегрнат додека го товареле во амбулантното возило.
Тинејџерот рекол дека бил принуден да ја пие сопствената урина за да ја задоволи жедта.
„Така успеав да преживеам“,
рече тој.
#Gaziantep Gölgeler Apartmanı’nda depremden 94 saat sonra 17 yaşındaki genç canlı olarak çıkartıldı. #deprem pic.twitter.com/Gu3gbUiH0V
— Sabah (@sabah) February 10, 2023