Од видеата споделени на социјалните мрежи се гледаат искорнати дрвја, оштетени автомобили и урнати делови од куќи. На снимките од Помас јасно се забележува торнадото како формира вртложен столб над населеното место
Силно торнадо го погоди француското село Помас, во југозападниот дел на земјата, при што се повредени 41 лице, а причинета е значителна материјална штета на стотици објекти.
Ветрови со брзина до 117 километри на час оштетиле околу 300 домови, додека околу 2 800 домаќинства во 10 села останале без електрична енергија.
🌪️ Autres images très impressionnantes de la tornade qui a circulé au sud de Carcassonne dans l'Aude, depuis la commune de Verzeille. Des dégâts sont signalés. (© Denis Maréchal) pic.twitter.com/RYiuPm0Xt5
— Météo Express (@MeteoExpress) August 24, 2026
Невремето предизвика и сериозни нарушувања во сообраќајот, а регистрирани се одложувања и откажувања на летови на аеродромите во Бордо, Марсеј, Ница и Тулуз, како и на неколку аеродроми северно од Париз.
Од видеата споделени на социјалните мрежи се гледаат искорнати дрвја, оштетени автомобили и урнати делови од куќи. На снимките од Помас јасно се забележува торнадото како формира вртложен столб над населеното место.
На терен се ангажирани повеќе од 120 припадници на итните служби.
Според локалните власти, 15 повредени лица се пренесени во болница. Меѓу нив е и бремена жена, која се здобила со повреди откако врз неа паднале делови од оштетена куќа.
Според националната метеоролошка служба на Франција, во земјата годишно во просек се регистрираат неколку десетици торнада.
🔴 Cette vidéo est bien réelle !! Voilà ce qu’ont vécu les habitants de #Pomas vers 17h, au passage de cette #tornade d’une envergure et d’une puissance exceptionnelles. Ces images ont été tournées à proximité immédiate du cône (tourbillon) touchant le sol et créant ce phénomène… pic.twitter.com/UWemTUpGoI
— Guillaume Woznica (@GWoznica) August 24, 2026
Невремето доаѓа по период на екстремни временски услови во Европа, одбележан со интензивни топлотни бранови и големи шумски пожари.
Југозападна Франција беше меѓу најпогодените региони, каде што во еден од најголемите шумски пожари по Втората светска војна изгореа околу 42 000 хектари.