На објавената снимка се гледа како борбениот авион „су-27“ лета кон беспилотното летало „MQ-9“ и во моментот на неговото приближување почнува да исфрла гориво, а потоа прелетува над дронот
Армијата на Соединетите Американски Држави објави видео на кое се гледа како рускиот борбен авион „су-27“ го собори американски дрон „МQ-9“.
Споменатиот инцидент се случил во вторникот во раните утрински часови околу седум часот по источноевропско време.
JUST IN – U.S. releases a video showing the collision of the Russian fighter jet with the MQ-9 Reaper drone over the Black Sea.pic.twitter.com/MHuGIUkxyL
— Disclose.tv (@disclosetv) March 16, 2023
На објавената снимка се гледа како борбениот авион „су-27“ лета кон беспилотното летало „MQ-9“ и во моментот на неговото приближување почнува да исфрла гориво, а потоа прелетува над дронот.
На снимката се гледа како пропелерите на авионот престануваат да работат, тие се вртат сè побавно, а потоа следува уште еден момент кога „су-27“ исфрла гориво на дронот.
По ударот, дронот мораше да биде спуштен во Црното Море.
Еден ден по инцидентот, Русија ги повика САД да ги прекинат „непријателските летови“.
„Сметаме дека секоја акција во која се користи американско оружје е отворено непријателска. Тие нè испровоцираа да преземеме одредена акција, што ќе им овозможи да ги обвинат Русија и руската војска дека се непрофесионални“,
рече рускиот амбасадор во САД, Анатолиј Антонов, одговарајќи на прашање на државната руска новинска агенција ТАСС.
Тој потврди дека руските борбени авиони не користеле оружје против американскиот дрон.
Претходно, руското Министерство за одбрана соопшти дека руските системи за контрола на воздушниот простор во вторникот откриле американско беспилотно летало „MQ-9“ над Црното Море во близина на државната граница на Руската Федерација.
Министерството додаде дека како резултат на брзо маневрирање, дронот почнал да ја губи висината и се урнал во морето. Министерството нагласи дека руските авиони не користеле оружје и не дошле во контакт со беспилотното летало и безбедно се вратиле на матичниот аеродром.
Ова беше прв физички контакт меѓу руски борбен авион и американски воен дрон од почетокот на војната во Украина пред повеќе од една година.