Рубио вчера потврди дека во вторникот во Саудиска Арабија разговарал за таква средба со рускиот министер за надворешни работи Сергеј Лавров порачувајќи ѝ на руската страна дека нема да има средба додека не дознаат за што ќе биде средбата
Можен состанок меѓу американскиот претседател Доналд Трамп и рускиот претседател Владимир Путин во голема мера ќе зависи од тоа дали можеме да постигнеме некаков напредок во ставањето крај на војната во Украина, изјави американскиот државен секретар Марко Рубио.
Рубио вчера потврди дека во вторникот во Саудиска Арабија разговарал за таква средба со рускиот министер за надворешни работи Сергеј Лавров, порачувајќи ѝ на руската страна дека нема да има средба додека не дознаат за што ќе биде средбата.
„Единственото нешто за што се договоривме е дека ќе разговараме за мир. Нивните понуди, на што се подготвени да се согласат, за што се подготвени да размислат, ќе одредат дали се сериозни во врска со мирот или не. Сè уште не сме во таа фаза“,
рече Рубио во интервју емитувано на социјалната мрежа Икс.
EXCLUSIVE: Our full, unedited interview with Secretary of State Marco Rubio(@SecRubio) on his first 30 days leading the Department.
— Catherine Herridge (@C__Herridge) February 21, 2025
Restarting U.S./Russia relations following the Biden Administration, direct engagement with Ukraine, U.S. proposal for Gaza, preventing Iranian… pic.twitter.com/cxkHmNZWw0
Соединетите Држави обезбедија воена помош од десетици милијарди долари за Украина за време на војната, а Трамп рече дека американските инвестиции во украинските минерали би можеле да обезбедат „дека тие пари ќе ги вратиме во некоја форма“.
„Претседателот Трамп е многу лут на претседателот Зеленски. Ние се грижиме за Украина бидејќи тоа има импликации за нашите сојузници и на крајот за светот. Тука треба да има одредено ниво на благодарност“,
рече Рубио.
Вашингтон, исто така, врши притисок врз Киев брзо да преговара за договор за отворање на природните ресурси на Украина за американски инвестиции.
Рубио разговараше со Зеленски и американскиот потпретседател Џеј-Ди Венс на состанокот во Минхен минатиот петок.
„Ние им објаснивме: Видете, сакаме да бидеме во заедничко вложување со вас, не затоа што се обидуваме да ви ја украдеме земјата, туку затоа што мислиме дека тоа е всушност гаранција за безбедноста, бидејќи ние сме ваш партнер во важен економски потфат“,
посочи Рубио во интервјуто.
Ова доаѓа во време на продлабочување на јазот меѓу Трамп и украинскиот претседател Володимир Зеленски. Трамп во средата го нарече Зеленски „неизбран диктатор“ откако Зеленски рече дека Трамп е заробен во руски балон за дезинформации, како одговор на американскиот претседател кој сугерираше дека Украина ја започнала војната.