Полициските специјалци рано утринава ја обезбедија мината и ја подготвија за влечење, по што беше влечена до средината на заливот Кварнер и безбедно детонирана во 13 часот и 17 минути
Речиси осум часа во пристаништето Риека и во водното подрачје траеше сложена акција на поместување и неутрализирање на противбродска мина останата од Втората светска војна.
Шефот на Штабот за цивилна заштита на градот Риека, Хинко Манче, рече дека операцијата сè уште не е завршена. Откако мината е уништена со експлозив, треба да се направат сите проверки и се очекува сè да биде завршено за околу еден час, рече тој.
Полициските специјалци рано утринава ја обезбедија мината и ја подготвија за влечење, по што беше одвлечена до средината на заливот Кварнер и безбедно детонирана во 13 часот и 17 минути.
Покрај тоа што во пресрет на акцијата беа евакуирани станарите, во „црвената зона“ од непосредна опасност околу пристаништето Риека, во прекин е целиот патен, железнички, воздушен и поморски сообраќај, затворени се сите стопански објекти, а железничката и автобуската станица беа затворени.
Полициската управа Приморје-Горски Котар утринава објави видеоснимка од противбродската мина од пристаништето Риека. Поради нејзино отстранување, градот денеска беше речиси парализиран.