Регионалниот гувернер на Одеса, Максим Марченко, изјави дека масивен ракетен напад погодил енергетски објект во пристанишниот град, предизвикувајќи прекин на електричната енергија
Руската војска рано утринава изврши ракетни напади врз голем број украински региони, вклучително и црноморското пристаниште Одеса и вториот по големина град во Украина, Харков, оставајќи без струја неколку области, соопштија регионалните власти. Нападите погодија широк опсег на цели, вклучително и градови кои се протегаат од Житомир, Виница и Ривне, на запад, до Днепар и Полтава во Централна Украина.
Регионалниот гувернер на Одеса, Максим Марченко, изјави дека масивен ракетен напад погодил енергетски објект во пристанишниот град, предизвикувајќи прекин на електричната енергија.
„Како резултат на ракетен напад беше погодена енергетската инфраструктура во регионот, како и станбени згради“,
напиша Марченко на Телеграм.
Тој рече дека противвоздушните единици собориле некои проектили и дека може да следуваат уште напади.
„За среќа, нема жртви. На сила се ограничувањата на електричната енергија“,
додаде Марченко.
Гувернерот на регионот Харков, Олех Синехубов, изјави дека градот и регионот биле погодени од околу 15 проектили.
„Инфраструктурата повторно беше меѓу целите. Се собираат информации за жртвите“,
рече тој на Телеграм.
Напад беше забележан и во централниот град Днепар и во западните градови Луцк и Ривне, далеку од првите линии на минатогодишната војна.
Силна експлозија се слушнала и во Киев, објави новинар на „Киев индипендент“. Претходно, воената администрација на регионот Киев потврди како профункционирала противвоздушната одбрана. Градоначалникот на Киев, Виталиј Кличко, на Телеграм објави дека експлозиите се случиле во областа Холосивски во северозападниот дел на главниот град на Украина.
„Експлозии во областа Холосивски во главниот град. Сите (итни) служби се на пат кон местото на настанот. Повеќе детали следуваат“,
напиша Кличко.
🇺🇦🇷🇺 | ÚLTIMA HORA: Kiev, capital de Ucrania, bajo ataque con misiles rusos. pic.twitter.com/tJhke8A8Pu
— Alerta Mundial (@AlertaMundial2) March 9, 2023