Според првичните информации од полицијата, едно лице е повредено и е префрлено во болницата во Штип
Доцна вечерва имало пукање во кафуле во центарот на Штип.
Според првичните информации од полицијата, едно лице е повредено и е префрлено во болницата во Штип.
„Вечерва околу 21.30 часот во СВР Штип било пријавено дека во угостителски објект на градскиот плоштад во Штип, било пукано со пиштол при што едно лице е повредено. Лицето со возило на итна медицинска помош е пренесено во болница во Штип. Се преземаат мерки за пронаоѓање на лицето кое пукало и за расчистување на случајот“,
информираа од МВР за „360 степени“.
Според очевидците, како што пренесуваат дел од медиумите, инволвираните во инцидентот седеле на различни маси кога напаѓачот посегнал по огнено оружје и го застрелал другото лице пред голем број очевидци.
На плоштадот „Слобода“ во моментот има полициски службеници и крим техника.