Големи протести се одржуваат во градовите Мемфис, Њујорк и Лос Анџелес, а помали во главниот град Вашингтон, во Сиетл, Детроит и Атланта. Некаде е распоредена Националната гарда, некаде е запрен сообраќајот, а засега протестите се мирни
Во САД се одржуваат бројни протести по јавното објавување на видео снимки на кои се гледа како пет полицајци го тепаат Тајр Николс, кој почина три дена подоцна како резултат на повредите од тепањето.
Големи протести се одржуваат во градовите Мемфис, Њујорк и Лос Анџелес, а помали во главниот град Вашингтон, во Сиетл, Детроит и Атланта. Некаде е распоредена Националната гарда, некаде е запрен сообраќајот, а засега протестите се мирни.
Во Мемфис, каде што почина Николс, група демонстранти се собраа во паркот во центарот на градот, а потоа излегоа на улиците, затворајќи го мостот над реката Мисисипи. Тие извикуваа „нема правда, нема мир“ и „правда за Тајр“, затворајќи го мостот речиси три часа пред мирно да се разотидат.
Protesters in Memphis have shut down the I-55 bridge. #TyreeNichols #Protests pic.twitter.com/2tklAs8ydr
— Jose Correa (@__JoseCorrea__) January 28, 2023
Протестот во центарот на Лос Анџелес станал тензичен кога група демонстранти се собрале пред седиштето на полицискиот оддел во Лос Анџелес, што било блокирано од полицијата.
Други мали, но главно мирни протести се одржаа и во Вашингтон, во Сиетл, Детроит и Атланта, како и во други градови.
Официјалните лица се подготвуваа за национални протести во деновите пред објавувањето на снимката. Антонио Романучи, адвокат кој го застапува семејството Николс, рече дека 29-годишникот бил третиран како „човечка пињата“.
"You put on a uniform, and what you think they are brothers? No, they are the slave patrol." – Chivona Newsome speaking at Union Square protest in New York City Following release of #TyreeNichols #TyreNichols tapes
— Oliya Scootercaster ?️ (@ScooterCasterNY) January 28, 2023
Video by Ken Lopez (FNTV https://t.co/MKhP0GoHyj) pic.twitter.com/2SAdiEt18w
Градот Мемфис објави видеоснимки на кои се гледа како петмина полицајци крвнички го претепуваат 29-годишниот Тајр Николс. На едно од видеата се гледа како полицајците го извлекуваат Николс од автомобилот додека тој вели дека не направил ништо и дека само сака да си оди дома. Потоа го фрлаат на земја, по што тој успева да се ослободи и пробува да побегне. Но, веднаш кон него тргнуваат полицајците, а еден од нив користи и тејзер. На друга снимка се гледа како полицајците го шутираат Николс додека тој во плач ја повикува својата мајка.
Дваесет и деветгодишниот афроамериканец Тајр Николс починал три дена подоцна како резултат на повредите од тепањето од полицајците.