Украина допрва треба да даде официјална изјава за тврдењата, но се појавија снимки кои, како што се тврди, го покажуваат моментот кога беспилотно летало удрило во висококатница во Русија
Во текот на ноќта, Русија изврши масовен напад на повеќе места во Украина, а Украина со беспилотни летала ги нападна градовите во јужниот руски регион Саратов. Оштетени се неколку високи станбени згради, а неколку луѓе се повредени, соопштија локалните власти.
Русија објави дека Украина со беспилотни летала погодила неколку згради во Саратов.
Украина допрва треба да даде официјална изјава за тврдењата, но се појавија снимки кои, како што се тврди, го покажуваат моментот кога беспилотно летало удрило во висококатница во Русија.
“Holy shit! Lucky you!”
— Bill (@bill_bull_bill) August 26, 2024
Meanwhile, in Russia, a drone crashed into a high-rise building and completely destroyed an apartment
Russian media reports that the drone hit the 28th floor of the “Volga Sky” building in #Saratov. One apartment was completely destroyed, and another one,… pic.twitter.com/H2VlZTOroT
Руските власти соопштија дека неколку лица се повредени.
„Системите за противвоздушна одбрана соборија беспилотни летала рано утринава. Урнатини паднаа врз станбени згради во Саратов и Енгелс“,
напиша на Телеграм гувернерот на регионот Саратов, Роман Бусаргин.
Градовите Саратов и Енгелс се наоѓаат покрај реката Волга, на околу 730 километри југоисточно од Москва. Летовите на регионалниот аеродром, кој се наоѓа северно од главниот град, утрово беа привремено ограничени.
Руското Министерство за одбрана соопшти дека нивните сили за воздушна одбрана пресретнале девет беспилотни летала во регионот на Саратов во текот на ноќта.