Според претседателот на ОВЛ-ОВК, Хисни Гуцати, досиејата кои се на српски и на англиски јазик биле и докази за соработка на специјалните обвинители и судии со Србија
Нови досиеја за воени злосторства се испратени до Организацијата на ветерани (ОВЛ) на Ослободителната војска на Косово (ОВК).
Според претставници на ОВЛ-ОВК, лицето што го донело вториот пакет со досиеја не е истото како и во првиот случај. Велат дека тие се обиделе да го запрат, но не успеале.
Според претседателот на ОВЛ-ОВК, Хисни Гуцати, досиејата кои се на српски и на англиски јазик биле и докази за соработка на специјалните обвинители со Србија.
Од оваа организација, исто така, рекоа дека лицето што ги донело овие досиеја им рекло дека во наредните денови ќе донесе и други материјали.
Во текот на денешниот ден службеници на Специјалното обвинителство биле во просториите на ОВЛ-ОВК, каде што ги добиле материјалите што беа доставени вчера до оваа организација.
Предавањето на досиејата е извршено по совет на адвокатот Том Гаши, кој е овластен адвокат на ОВЛ-ОВК.
„Ова се нивни материјали и тие го добија она што им припаѓа. Треба да бидете внимателни и да не објавувате имиња на сведоци. Сепак, имате право да ја објавите релацијата на Специјалниот суд со институциите на Србија“
изјави Гаши
Првиот пакет со досиеја на Специјалниот суд, во кој имаше имиња на сведоци, беше донесен на 7 септември, додека другите досиеја пристигнаа вчера.
Поврзани вести:
Агим Чеку повикан како осомничен во Хаг
Османи тврди: Ахмети е повикан во Хаг како сведок
И амбасадорот на Косово во Македонија бил контактиран од судот во Хаг