Шефот на дипломатијата, Бујар Османи, денеска и утре учествува на редовниот состанок на Северноатланскиот совет на НАТО, на ниво на министри за надворешни работи во Рига, Латвија.
„Важни прашања на денешната агенда, меѓу кои и актуелните безбедносни предизвици, се и руското воено групирање околу границата со Украина, како и хибридните предизвици кои доаѓаат од Белорусија“,
вели Османи во видеообраќање.
Тој вели дека е уверен оти ќе се прати силна порака на единство и непоколеблива намера да се заштитат сојузниците и пријателите.
Османи информираше и дека ќе се дискутира и за Западниот Балкан и геостратешките интереси на Алијансата за стабилен, прогресивен и демократски регион преку реафирмирање на европската и евро-атлантската перспектива.