Министерот за надворешни работи Бујар Османи на денешниот брифинг, коментирајќи ја изјавата на бугарскиот премиер Кирил Петков дека руски агенти работеле против добрососедските односи на двете земји, го наведе овој пример, но не кажа детали. „Не ја исклучуваме можноста дека такви играчи во нашата држава, бидејќи колку сме поблиску до решени, толку ќе се најдат луѓе кои ќе работат против“, рече Османи
Вработени во наши институции неделава се јавувале во Бугарија со цел да лобираат да не се продолжи со ангажманот за решавање на спорот меѓу двете држави. Ова денеска како пример го обелодени министерот за надворешни рабооти Бујар Османи, сакајќи да го потврди она што го изјави бугарскиот премиер Кирил Петков, дека се работело на нарушување на добрососедските односи на Бугарија и С Македонија.
„Оваа недела од Северна Македонија се јавувале во Република Бугарија кажувајќи дека непотребен е целиот тој ангажман затоа што овде ќе се оди брзо на избори, дека ќе има предвремени и дека нема да може ниту да се постигне одредено решение“,
рече Османи.
Тој не откри за кои лица и институции станува збор, но дополни дека овие лица се на иста линија со оние за кои зборуваше Петков, кои, како што рече Османи сакаат да го држат отворено прашањето и да го држат закочен процесот на ЕУ интеграција и регионот да биде платформа за нивни цели.
За тоа дали се согласува со Петков дека Русија стои зад вакви активности, Османи рече дека ниту една членка на ЕУ нема интерес од блокада, туку само трети страни кои, според него, сакаат Европа да е ослабната, бидејќи има еден регион со отворени прашања и без јасна перспектива.
„Стратешки интерес на Бугарија е да биде предводник на европската перспектива на регионот, тој да се консолидира во правец на европското членство, бидејќи при пред се тоа е безбедносно прашање. Безбедноста не завршува на гранците на една држава и затоа сметам дека е точна оваа констатација дека имало обиди Западен Балкан да не се движи со соодветна динамика кон ЕУ, дали со прокси играчи во регионот или во нашите држави. Не ја исклучуваме можноста дека такви играчи во нашата држава, бидејќи колку сме поблиску до решени, толку ќе се најдат луѓе кои ќе работат против“,
рече Османи.
Османи на брифингот го спомена и протерувањеето на пет руски дипломатти од Амбадасата во Скопје, кои како што рече работеле спротивно со Виенската конвенција за дипломатски односи, без да прецизира за што се работи.