Полицијата објави малку детали за инцидентот, кој се случи во вечерните часови по локално време, но кажа дека има до десет мртви и повеќе повредени. Мотивот не е познат
Околу десет луѓе се убиени во пукањето во супермаркет на „Волмарт“ во градот Чесапик во американската сојузна држава Вирџинија. Мажот, за кој се верува дека бил менаџер во супермаркетот, се самоубил откако го извршил нападот.
Полицијата објави малку детали за инцидентот, кој се случи во вечерните часови по локално време, но кажа дека има до десет мртви и повеќе повредени. Мотивот не е познат.
BREAKING: Virginia police confirm a shooting with fatalities at a Walmart store in Chesapeake. The shooter is dead. https://t.co/btBaRS6zwV
— The Associated Press (@AP) November 23, 2022
„Пукањето се случи внатре во супермаркетот, а напаѓачот дејствувал сам. Точната бројка на загинати засега не е позната“,
изјави портпаролот на полицијата Лео Косински.
Косински рече дека верува оти полицијата не отворила оган, но дека меѓу загинатите е и напаѓачот. Полицајците сè уште ја разгледуваат продавницата во потрага по жртви.
Од супермаркетот кажаа дека меѓу загинатите има и неколкумина вработени.
🚨#BREAKING: A Walmart manager has shot multiple employees ⁰
— R A W S A L E R T S (@rawsalerts) November 23, 2022
📌#Chesapeake l #VA ⁰
Police are to responding to multiple fatalities and injuries inside a Walmart superstore in VA with officials saying the Manager at Walmart Started to open fire shooting Multiple employees inside pic.twitter.com/JgnCleOvz3
Градските власти на Чесапик побараа од луѓето да се држат настрана од продавницата за време на истрагата.
„Првите лица се добро обучени и подготвени да одговорат; ве молиме дајте им простор да го сторат тоа“,
напиша градот на Твитер.
Нападот се случи три дена по пукањето во геј клуб во Колорадо, кога загинаа пет луѓе, а 17 се ранети.