Погледнете го новото издание на емисијата „360 степени”, емитувано на 27 ноември 2023 г. на МРТ 1, во кое гостуваат претседателот на Судски совет, Сашко Георгиев, и поранешната шефица на ОЈО ГОКК, Вилма Русковска
Во ова издание на „360 степени“ на МРТ 1, во посебни интервјуа, гостуваат претседателот на Судски совет, Сашко Георгиев, и поранешната шефица на ОЈО за гонење организиран криминал и корупција, Вилма Русковска, која пред неколку дена беше разрешена од функцијата јавен обвинител.
Георгиев одговара на прашања зошто и во какви околности судијата во скопска апелација Енвер Беџети, кој девет месеци го држеше во фиока предметот за масовното незаконско прислушување „Таргет-Тврдина“, беше казнет само со 20% пониска плата во следните шест месеци, а не беше разрешен. Како ќе се постават членовите на Советот ако Оценската мисија на ЕУ препорача негово распуштање, зошто докрај не ја следеа ранг-листата при неодамнешниот избор на осум апелациски судии, точни ли се информациите за постоење иницијатива за разрешување на претседателката на Врховен суд, Беса Адеми, како ги оценува шесте месеци во кои е на чело на Судски совет – се, исто така, теми во интервјуто со Сашко Георгиев.
Вилма Русковска ја прашуваме – што ѝ пресуди и зошто нејзиното разрешување е редок пример на „консензус“ меѓу СДСМ, ДУИ и ВМРО-ДПМНЕ, имала ли притисоци да ја запре истрагата во случајот со Драги Рашковски и од кои инстанци, каде се разминаа со Љубомир Јовески, дали треба да се смени начинот на избор на државниот обвинител, што мисли за работата на нејзиниот наследник во ОЈО ГОКК, Ислам Абази, дали во „Рекет“ отиде до крај во истражувањето на околностите и инволвирани…