Погледнете го новото издание на емисијата „360 степени”, емитувано на 29 април 2024 г. на МРТ 1, во кое гостуваат лидерите на двете најголеми партии и претенденти за премиерското место, Христијан Мицкоски и Димитар Ковачевски
Меѓу двете изборни полувремиња, по 24 април а пред 8 мај, во новото издание на „360 степени“ на МРТ 1, во посебни интервјуа, гостуваат претседателите на ВМРО-ДПМНЕ и на СДСМ, Христијан Мицкоски и Димитар Ковачевски. Лидерот на ВМРО-ДПМНЕ вели дека досега не се водени разговори со коалицијата на опозициски партии на Албанците, „Вреди“, на тема уставни измени и дека ако тие се услов за влез во влада, ВМРО-ДПМНЕ нема да го прифати. Мицкоски верува дека ВМРО-ДПМНЕ може да стигне до 58-59 пратеници во парламентот. Лидерот на СДСМ, пак, смета дека несоодветното однесување на неколку функционери од ДУИ фрлило сенка врз целата влада, како и дека глас за ЗНАМ на Максим Димитриевски е глас против своите, а во прилог на ВМРО-ДПМНЕ. Ковачевски ќе остане пратеник и ако СДСМ изгуби на изборите и има нов лидер.