Погледнете го новото магазинско издание на емисијата „360 степени“ емитувано на 6 јуни 2024 г. на МРТ 1
Во ова издание на емисијата донесуваме:
– „Во четири очи“ ДИК ѝ платила на „Дермалог“ речиси половина милион евра за надградба на уредите за биометриска идентификација за двојните избори; набавени се и 500 батерии по цена од 79 евра за парче (на интернет една батерија чини од 5 до 20 евра, провериле во „Транспаренси интернешнл“);
– По падот на лифт во ресторан во Штип, кој однесе еден живот: во земјава има околу 13 илјади лифтови, но повеќе од половина не се пријавени кај Државниот инспекторат за техничка инспекција, што значи дека не се знае дали се поставени во процедура и дали се сервисираат;
– Конзерваторскиот центар се согласил, па се пишманил за градбата на 17-катница близу Воена болница во скопски Карпош – активисти бараат одземање на градежната дозвола, инвеститорот обвинува за несериозност на институциите;
– Како ќе го вратат СДСМ на нозе – кандидатите за нов лидер Филипче, Петровска, Деспотовски и Бајдевски пред камерата на „360 степени“;
– Нова „Саботажа“.