Погледнете го новото издание на емисијата „360 степени”, емитувано на 8 април 2024 г. на МРТ 1, во кое гостуваат кандидатите за претседател на државата Бујар Османи („Европски фронт“) и Арбен Таравари („Влен“)
„Тоа што треба да се направи на 13 мај (ден по инаугурацијата на новиот претседател, н.з.) е да се најде една локација во која ќе се затвориме и нема да излеземе додека не си подадеме рака”, вели Бујар Османи, кандидат за шеф на државата на коалицијата „Европски фронт”. „Ниедна албанска партија не би ризикувала да биде дел од некоја влада која ќе ги стагнира преговорите како после Букурешт во 2008 година”, е ставот на Арбен Таравари, кандидат за претседател на државата на коалицијата „Влен”. Османи и Таравари се гости во новото издание на емисијата „360 степени” на МРТ 1 како дел од серијата предизборни интервјуа со сите седуммина кандидати на претседателските избори. Разговараме за дел од ветувањата во нивните програми, но и за други актуелни политички теми.