Погледнете го новото издание на емисијата „360 степени”, емитувано на 25 март 2024 г. на МРТ 1, во кое гостува носителот на пратеничката листа на СДСМ во изборната единица 4 и ексминистер за здравство, Венко Филипче
ВМРО-ДПМНЕ ќе бидат непријатно изненадени од нашиот резултат на изборите – вели повратникот во политиката Венко Филипче, кој гостува во новото издание на емисијата „360 степени“ на МРТ 1. Филипче го прашуваме како се стигна до одлука тој да биде носител на пратеничката листа на СДСМ и коалицијата во изборната единица 4 (струмичко-прилепско-кавадаречка) и каква е улогата на Зоран Заев во тоа? Што мисли за работата на владата и на СДСМ во изминатите две години во кои тој не е министер, зошто падна поддршката кај граѓаните, зошто немаше посветеност на владеењето на правото и борбата против корупцијата – се дел од прашањата што ги отвораме. Меѓу темите за разговор се и случајот „Онкологија“ и пожарот во модуларната болница во Тетово, кои временски коинцидираат со периодот кога Филипче е министер за здравство.