Погледнете го новото издание на емисијата ,,360 степени” емитувано на ТВ Алсат на 22 април 2022 г.
Зголемената инфлација, предизвикана од растот на цените на храната и енергенсите, го подјадува животниот стандард и внесува несигурност кај граѓаните. Инфлацијата над вообичаените стапки влијае и на одлуките на бизнисот. Што може да прави влада во мала и отворена економија како македонската, која по дефиниција е подложна на надворешни влијанија? Во ваков контекст, што ќе значи зголемување на платите во образованието и во другите области од јавниот сектор? Дали на владата и се враќа како бумеранг одлуката за зголемување на минималната плата на 18 илјади денари? Како ќе се покрива буџетската дупка и што се очекува од макро-финансиската поддршка од Европската Унија и од новиот заем од ММФ? Ова се темите за разговор со вицепремиерот за економски прашања, Фатмир Битиќи.