Погледнете го новото издание на емисијата „360 степени”, емитувано на 26 февруари 2024 г. на МРТ 1, во кое гостува Данела Арсовска – градоначалничка на Град Скопје и претседателка на партијата Нова алтернатива
Зошто не формираше нова политичка партија туку се реши да презеде постоечка (Нова алтернатива) – е една од темите за кои разговараме со Данела Арсовска во емисијата „360 степени“ на МРТ 1. Претседателката на Нова алтернатива ја прашуваме и дали самостојно или во коалиција ќе настапат на претстојните парламентарни избори, на каков исход се надеваат, ќе поддржат ли некој од кандидатите на изборите за шеф на државата. Од градските теми, градоначалничката на Скопје ја прашуваме кој е секретар во градската администрација во овој момент, како би ја дефинирала улогата на Драган Митковски (во јавноста познат како Драги Книга) во работата на Град Скопје, како синдикатот на ЈСП кој ја величаше по изгласаните субвенции се сврти против неа, дали и кога ќе го исполни предизборното ветување за бесплатен јавен транспорт, кога мостот Беласица ќе биде целосно пуштен во сообраќај…