Погледнете го новото дебатно издание на емисијата „360 степени“ емитувано на 4 ноември 2022 г. на ТВ Алсат, во кое гостуваат министерот за економија Крешник Бектеши и бизнисмените Горан Ѓорѓиевски (ССК) и Румен Смилевски (СКСМ)
Дали, кога и за колку ќе поевтинат основните прехранбени производи откако Владата одлучи да обезбеди субвенционирана цена на струјата за околу 200 компании и 600 пекарски работилници во земјава? И дали штотуку донесениот Закон за заштита на потрошувачите може да биде ефикасна алатка за справување со т.н. нечесни и измамнички трговски практики? Ова е рамката за дебата со министерот за економија Крешник Бектеши, бизнисменот и потпретседател на Сојузот на стопански комори, Горан Ѓорѓиевски, и бизнисменот и член на УО на Здружението на трговијата при Стопанската комора на Северна Македонија, Румен Смилевски. Владината одлука за електричната енергија ги опфаќа компаниите што произведуваат масло за јадење, леб и пекарски производи, брашно, млеко и млечни производи, како и фирмите од месната и живинарската индустрија.