Двајца од застрелани, со иницијали Ј.К. и Е.И., им подлегнале на раните на самото место, додека има и трет ранет кому му се укажува лекарска помош
Тече увидот на местото на двојното убиство што вечерва се случи во угостителски објект во Старата скопска чаршија.
Покрај големиот број полицајци и полициски автомобили, на местото на настанот пристигнаа и неколку полициски комбиња кои едно по едно се пропуштаа покрај полицискиот кордон на улицата помеѓу Калето и Чаршијата.
Според она што досега е познато, двајца од застрелани, со иницијали Ј.К. и Е.И., им подлегнале на раните на самото место, додека има и трет ранет кому му се укажува лекарска помош.
Убиените наводно им се познати на полицијата, а во јавноста излегоа и имињата на убиените: Јетон Кривањева и Енес Исени.
Во близина на местото на настанот, каде што има полициска барикада, покрај бројните новинарски екипи, како што може да се види од фотографиите кои ги објавивме, набргу по убиството се собраа и граѓани.
Видеа од местото до каде полицијата дозволува да се доближат новинарските екипи можете да погледнете во продолжение.
ПОВРЗАНИ ВЕСТИ:
МВР за двојното убиство во Стара чаршија: Пукано е кон три лица, двајца починале на лице место
(ФОТОГАЛЕРИЈА) По двојното убиство, врие од полиција кај Старата скопска чаршија
Детали за двојното убиство: Напаѓачите влегле маскирани, фиксирани се траги на лице место