Меѓу загинатите има петмина полицајци и осум цивили, додека се претпоставува дека четиринаесеттата жртва е самиот бомбаш самоубиец
Нападот се случил во време кога во областа се одржувал митинг за поддршка на полицијата, на кој присуствувале голем број граѓани. Учесниците извикувале антимилитантски пароли и повикувале на мир
Најмалку 14 лица загинаа, а 20 се повредени во самоубиствен бомбашки напад пред полициска станица во Кабал, во округот Сват, во северозападната пакистанска покраина Хајбер Пахтунхва, пренесуваат светските медиуми.
Според регионалниот полициски центар, меѓу загинатите има петмина полицајци и осум цивили, додека се претпоставува дека четиринаесеттата жртва е самиот бомбаш самоубиец.
Нападот се случил во време кога во областа се одржувал митинг за поддршка на полицијата, на кој присуствувале голем број граѓани. Учесниците извикувале антимилитантски пароли и повикувале на мир.
Засега не е потврдено дали собирот бил директна цел на нападот.
По експлозијата, безбедносните сили започнаа обемна операција за пронаоѓање на можни соучесници кои учествувале во организацијата на нападот.
سوات میں لوگ امن کیلئے اختجاج کر رہے تھے پھرامن مارچ میں ہی دھماکہ ہوگیا pic.twitter.com/O0sAxyxTv8
— Naya Pakistan (@Naya__Pakistan_) August 2, 2026
Пакистанскиот претседател Асиф Али Зардари и премиерот Шехбаз Шариф го осудија нападот и порачаа дека борбата против тероризмот ќе продолжи сè до неговото целосно искоренување.
Нападот се случува во период на засилено бунтовничко насилство во Пакистан, особено во северозападните делови на земјата.
Swat Suicide Blast Update: The death toll from the suicide bombing at Kabal Police Station in Pakistan's Swat district has risen to 14, while 15 injured are receiving treatment at different hospitals, according to Rescue 1122 Khyber Pakhtunkhwa.
— Sajjad Tarakzai (@SajjadTarakzai) August 2, 2026
Rescue teams remain engaged in… pic.twitter.com/l2OIsvRT5K
На социјалната мрежа се објавени видеа од моментот на нападот.