Илјадници Албанци кои работат во Грција веќе трет ден се заглавени на албанско-грчката граница и не можат да ја поминат поради промените во мерките што ги прави грчката страна.
Албанската полиција објави видео на кое им помага на заглавените граѓани и ги обезбедува со вода, бидејќи овие денови температурите во тој дел се високи.
Речиси 4 000 возила се заглавени на границата и формирана колона подолга од 20 километри, дел од луѓето чекаат трет ден на граничниот премин Какавиа.
Грција пак, поради зголемениот број на ковид-случаи деновиве почна да воведува нови мерки и најави дека од Албанија ќе дозволи влез на 750 луѓе дневно. Тие ќе мора да имаат негативен ковид-тест не постар од 72 часа.