На едно од видеата, според Хагари, се гледа како маж во инвалидска количка е донесен од неколку вооружени лица, додека на друго видео се гледа како едно лице се бори за да се спротивстави додека насилно го вовлекуваат во зграда која личи на болница
Израелските одбранбени сили (ИДФ) објавиле снимка од надзорната снимка од најголемата болница во Газа, „Ал Шифа“, на која, како што посочува портпаролот на армијата Даниел Хагари на брифинг со новинарите, се гледа како припадниците на Хамас донеле еден од киднапираните во овој медицински центар на 7 октомври, пренесуваат странските медиуми.
На едно од видеата, според Хагари, се гледа како маж во инвалидска количка е донесен од неколку вооружени лица, додека на друго видео се гледа како едно лице се бори за да се спротивстави, додека насилно го вовлекуваат во зграда која личи на болница.
„Овде можете да видите како Хамас го зема заложникот внатре… го носат во болница“,
рече портпаролот на армијата Даниел Хагари додавајќи дека заложниците мажи се од Непал и Тајланд, кои сè уште „не се лоцирани“.
Според ИДФ, се чини дека снимката е со временски печат на 7 октомври 2023 година, денот кога, како што велат оттаму, милитантната група Хамас во јужен Израел убила околу 1 200 луѓе, главно цивили, и киднапирајќи околу 240 други.
„Овие наоди, според ИДФ, докажуваат дека терористичката организација Хамас го користела болничкиот комплекс „Ал-Шифа“ на денот на масакрот како терористичка инфраструктура“,
се вели во соопштението на војската и разузнавачката служба.
Хагари, исто така, истакна дека војникот на ИД, Ноа Марчијано, чие тело било пронајдено пред неколку дена во болницата, бил киднапиран во првичниот напад, пренесен во болницата, каде што бил задржан и подоцна убиен.
Претходно од ИДФ негираа дека наредиле евакуацијата на болницата, туку дека ги прифатиле барањата на директорот на болницата оние што сакаат да заминат да бидат евакуирани преку безбедна рута.
„ИДФ во ниту еден момент не нареди евакуација на пациенти или медицински тимови и всушност предложи секое барање за медицинска евакуација да биде олеснето од ИДФ“,
се вели во соопштението на израелската војска.